Qeveria belge kërkoi që 15 milionë maska ​​pëlhure, të cilat u shpërndanë falas në publik përmes farmacive verën e kaluar, nuk duhet të përdoren për qëllime paraprake sepse ato përmbajnë “substanca që mund të jenë të dëmshme për shëndetin”.

Vendimi i qeverisë u mor pasi doli raporti i përgatitur nga Instituti Kombëtar i Shëndetit Publik i Belgjikës mbi maskat.

Në raport thuhet se maskat përmbajnë nanopjesëza argjendi dhe dioksid titani, të cilat mund të dëmtojnë sistemin e frymëmarrjes. Qeveria njoftoi se raporti ishte rezultati i parë i fazës së parë të një studimi shkencor.

Ministri belg i Shëndetësisë Frank Vandenbroucke tha që maskat do të analizohen, por prapëseprapë nuk duhet të përdoren si masë paraprake.

“Megjithëse nuk janë vërejtur rreziqe shëndetësore, ne rekomandojmë që ata që marrin maskat nga farmacitë të mos i përdorin ato tani për tani”, deklaroi ai.

Përdorimi i dioksidit të titanit i përdorur në maska vitin e kaluar u ndalua në Francë ​​në produktet ushqimore. Disa nga shkencëtarët argumentojnë se kjo substancë është e dëmshme për shëndetin.

Gjithashtu thuhet se dioksidi i titanit është përdorur për të zbardhur pëlhurën në maska ​​kurse argjendi për të krijuar një efekt antibakterial.//AA

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb