BRITANI E MADHE
Motra e këngëtares shqiptare me famë botërore, Rita Orës, Elena feston sot ditëlindjen e saj.
Elena e cila ka qenë një shtyllë e fortë në karrierën e Ritës si menaxhere e saj, ka marr urime të shumta në këtë ditë të veçantë nga miqtë, kolegët dhe familjarët e saj.
Nuk kishte se si të mungonte edhe një urim nga vet artistja shqiptare e cila zgjodhi Instagramin, për të publikuar disa fotografi me më të shtrenjtën e saj.
Nga imazhet, shihet se Rita dhe Elena janë thuajse çdo kund bashkë dhe madje edhe vet Rita në një intervistë të disa viteve më parë ishte shprehur se “ato janë pothuajse në çdo fotografi të fëmijërisë së bashku, sepse kanë bërë pothuajse çdo gjë bashkë”.
“Urime ditëlindjen motër”, shkroi Rita në mbishkrimin e këtyre fotografive, në të cilat ka marrë urime të shumta nga ndjekësit për motrën e saj të madhe.
Elena është fëmija më i madh në familjes që vjen para Ritës, teksa të dy motrat kanë edhe një vëlla më të vogël të quajtur Don.
Familja Sahatçiu (Ora) u shpërngulën nga vendlindja e tyre në Prishtinë, në vitin 1991 kur Rita aso kohe ishte vetëm një vjeçe.
