Një 20-vjeçar është ekstraduar nga Franca, pasi ishte shpallur në kërkim ndërkombëtar për “Vrasje me paramendim”. Burime zyrtare nga policia bene me dije se behet fjale për shtetasin me inicialet
Klevis FILKA (VISHKA), lindur në Peshkopi.

I riu ishte shpallur në kërkim ndërkombëtar, pasi Gjykata e Shkallës së Parë Dibër ka vendosur masën e sigurisë “Arrest me burg”, për kryerjen e veprave penale “Vrasje me paramendim e kryer në bashkëpunim, mbetur në tentativë dhe “Mbajtja pa leje e armëve luftarake dhe municionit”.

NGJARJA
Ngjarja ndodhi në Peshkopi, pranë ish-degës ushtarake, ku 20-vjeçari, në bashkëpunim me vëllain e tij kanë qëlluar me armë zjarri në drejtim të automjetit ku udhëtonin shtetasit me inicialet A.M ., dhe A.A., ku mbeti i plagosur rëndë shtetasi A.M.

Kapja e 20-vjeçarit u bë falë marrjes së informacionit nga Specialistët për Hetimin e Krimeve të Rënda në DVP Dibër për vendndodhjen e tij në Francë, dhe shkëmbimit në kohë të informacionit mes specialistëve të Interpol Tirana me Policinë Franceze. Si rezultat i bashkëpunimit të Interpol Tirana me Policinë Franceze, u bë i mundur ekstradimit i tij drejt Shqipërisë.

Specialistët për hetimin e Krimeve të Rënda në DVP Dibër bënë ekzekutimin e Vendimit Penal Nr. 58, datë 22.06.2018, të Gjykatës së Shkallës së Parë Dibër, e cila ndaj shtetasit të lartpërmendur ka vendosur masën e sigurisë “Arrest me burg”, për kryerjen e veprave penale “Vrasje me paramendim” e kryer në bashkëpunim, mbetur në tentativë, dhe “Mbajtja pa leje e armëve luftarake dhe municionit”.
(ed.me/BalkanWeb)