Me shumë prej klubeve në krizë financiare, shpëtimi i Superligës shihet vetëm ligji i ri për sportin. I premtuar për t’u miratuar që në shtatorin e vitit të shkuar, kjo gjë nuk ka ndodhur. Si pasojë, klubet e kampionatit elitar të futbollit në vend kanë kërcënuar deri me bojkot të garës, nëse kërkesat e tyre nuk merren parasysh nga qeveria.

Ky vendim ka dalë nga mbledhja e fundit e Ligës Profesioniste. Nën drejtimin e presidendit Edvin Libohova, ku morën pjesë vetëm gjysma e klubeve të Superligës, takimi i zhvilluar mesditën e së premtes ka vendosur që shqetësimet t’I bëhen të ditura kryeministrit Edi Rama. Kjo detyrë është marrë përsipër nga Libohova, i cili në përfundim të mbledhjes është shprehur optimist se kërkesat do të plotësohen. Gjithsesi, deri atëherë kërcënimi, madje shumë i fortë për bojkot të kampionatit qëndron në fuqi.
(balkanweb)