Ministria Libaneze e Mbrojtjes njoftoi se është pezulluar licenca për mbajtjen e armëve personale deri në njoftimin tjetër.

Në një deklaratë nga Ministria e Mbrojtjes thuhet se në Liban duke filluar nga sot, janë pezulluar licencat individuale të armëve.

Më tej thuhet se vendimi i cili do të jetë i vlefshëm deri në njoftimin tjetër nuk përfshin përfaqësues diplomatikë, si dhe liderë të partive politike dhe grupeve fetare.

Vlen të përmendet se vendimi, arsyeja e të cilit nuk u bë e ditur, erdhi pas protestave të fundit si rezultat i krizës aktuale ekonomike në vend për shkak të zhvlerësimit të monedhës vendase ndaj dollarit.

Situata ekonomike dhe politike në Liban

Ekonomia libaneze e cila ka një strukturë shumë të brishtë për sa i përket ndarjeve politike të bazuara në fe dhe sekte të ndryshme, po përjeton krizën më të madhe që nga lufta civile në vitet 1975-1990.

Bankat të cilat përdorin praktika të ashpra kundër daljes së kapitalit, që nga 17 tetori 2019 kanë pezulluar transferimet ndërkombëtare dhe kanë vendosur kufizime në tërheqjen e parave të klientëve nga llogaritë e tyre.

Shpërthimi i madh që ndodhi në Portin e Bejrutit në muajin gusht 2020 shkaktoi një krizë të re qeveritare në Liban ku janë duke u rritur problemet ekonomike dhe e cila ka kohë që po lufton me borxhin e lartë publik dhe me papunësinë.

Qeveria e Kryeministrit Hassan Diyab dha dorëheqje më 10 gusht 2020, pas reagimeve pas shpërthimit të portit, por në vend me muaj nuk mund të formohet një qeveri e re për shkak të mosmarrëveshjeve midis grupeve politike.

Populli i cili forcat politike dhe pushtetarët i sheh si shkaku i krizës ekonomike në vend, kërkon krijimin e një qeverie të minimizuar të përbërë nga teknokratë, pa parti politike sektare që kanë ndarë pushtetin për shumë vite.//AA

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb