Theophilus Solomon nuk do të jetë më pjesë e Partizanit. Nigeriani 25-vjeçar sipas klubit të kuq ka ndërprerë bashkëpunimin dhe do të largohet.
Solomon ndihmoi Partizanin gjatë sezonit të shkuar me 8 gola, ndërkohë që klubi i uron suksese në karrierë.
Kjo do të thotë një sulmues më pak për KF Partizanin, por ndërkohë të kuqtë e kanë merkaton të hapur përpara.
STATUSI NGA KF PARTIZANI
ZYRTARE
FK Partizani njofton mbylljen e bashkëpunimit me Theophilus Solomon. Sulmuesi 25 vjeçar dhe klubi kanë vendosur sot të ndërpresin me mirëkuptim bashkëpunimin mes tyre. Solomon iu bashkua skuadrës përgjatë sezonit 2019– 2020 duke realizuar edhe 8 gola me fanelën e kuqe.
Klubi falenderon Theophilus Solomon për kontributin e dhënë me skuadrën, duke i uruar njëkohësisht shumë suksese në karrierën e tij sportive.
(BalkanWeb)