Në një kohë kur vendi u trondit dje nga dy vrasje më armë, në të cilat pati 4 viktima, vjen një reagim nga ish-ministri i Drejtësisë Ylli Manjani.

Ky i fundit, përmes një statusi në Facebook ka komentuar Kodin e ri Penal, që sipas tij, me hyrjen në fuqi të ndryshimeve ligjore, në këtë kohe nuk duhet të lëvizte as miza.

Sipas Manjanit, krimi vazhdon të shëtisë i lirë sipas qejfit, ndërkohë që nuk i kurseu ironitë për kryeministrin Edi Rama, duke shtuar se: “As “babai i kombit” e as “babai i Kushtetutës” nuk i bënë dot derman”.

MESAZHI I MANJANIT
Brenda pak orëve u vranë 4 vetë. 2 në Lezhë e 2 në Durrës.

Ndërkohë vendi është ende i izoluar. Sipas Kodit Penal të shefave të shtetit monist, s’duhet të lëvizë as miza.

Po krimi vazhdon i lirë të shëtisë sipas qejfit.

2×2=jetë njerëzish!

As “babai i kombit” e as “babai i Kushtetutës” nuk i bënë dot derman..

Ah, harrova. “Babës së kombit” i rregullohet frymëmarrja në kësi rastesh…
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: