TIRANE
Sot në kinema është dhënë premiera e filmit “Gjyshja” e regjisorit Eduart Grishaj. Në këtë eveniment të rëndësishëm për Eduartin nuk mund të mungonte edhe partnerja e tij, Arbana Osmani.
Prej kohësh të lidhur, por asnjëherë nuk kanë dalë publikisht së bashku, ata nuk i kursejnë deklaratat e dashurisë. Në fjalimin hapës përpara shfaqjes së filmit (që është një histori e vërtetë), Eduarti ka treguar se frymëzimi më i madh për këtë film ka qenë Arbana Osmani shkruan Class.
“Nëse ka diçka që frymëzohem nga talenti i saj, ajo është Arbana Osmani”,-është shprehur Eduarti, i cili është duartrokitur shumë për këtë deklaratë. Arbana sigurisht që ka qenë në sallë dhe e ka shijuar këtë deklaratë publike në një moment të rëndësishëm të karrierës së partnerit të saj.
Po ashtu edhe moderatorja shqiptare ka postuar një foto me Eduart Grishja ku shkruan: Shumë e lumtur për ty.
(BalkanWeb)