Rusia dhe Bjellorusia janë gati të veprojnë në mënyrë parandaluese ndaj përshkallëzimit të shtuar ushtarak nga vendet evropiane mbi Ukrainën, sipas shefit  të  shërbimit të spiunazhit të jashtëm të Rusisë.

“Ne ndiejmë dhe shohim se vendet evropiane, veçanërisht Franca, Britania e Madhe dhe Gjermania, po rrisin nivelin e përshkallëzimit rreth konfliktit ukrainas. Prandaj, ne duhet të veprojmë në mënyrë parandaluese. Ne jemi gati për këtë.  Në rast të një sulmi ndaj Rusisë ose Bjellorusisë, Rusia do të hakmerrej kundër NATO-s në tërësi, por edhe Polonia dhe shtetet baltike do të pësonin të parat”,  u citua të thoshte Sergei Naryshkin nga agjencitë e lajmeve TASS dhe RIA.

Komentet e tij erdhën disa ditë pasi Steve Witkoff, i dërguari special i SHBA-së që drejton bisedimet me Kremlinin, u takua me Presidentin Vladimir Putin në qytetin rus të Shën Petersburgut, mes përpjekjeve amerikane për të ndërmjetësuar një armëpushim në luftën që hyri në vitin e katërt në shkurt.

(BalkanWeb)