“Shqipëria mund të kërkojë shkëputjen nga Maqedonia e Veriut dhe të ecë drejt anëtarësimit në BE e vetme”, kështu ka deklaruar kryeministri Edi Rama më herët.

“Euractiv”, ka sjellë një analizë rreth deklaratës së kryeministrit Rama dhe një vlerësim për situatën në Ukrainë.

Pjesë nga artikulli në Euractiv:

Përpjekja e Shqipërisë për t’u bashkuar me bllokun ka qenë e lidhur me fqinjin e saj, Maqedoninë e Veriut.

Ndërsa të dyja vendet kanë përmbushur kërkesat, në letër, Bullgaria ka vënë veton ndaj këtyre të fundit për çështjet historike dhe të të drejtave të njeriut.

“Shqipëria nuk mund të presë më që dy fqinjët të zgjidhin zënkën e tyre. Kursi ynë në atë drejtim do të ndryshojë plotësisht”, tha Rama të enjten në Tiranë.

Ndërkohë, vlerësimi i situatës në Bruksel është se zgjerimi nuk ka asnjë përparësi dhe se Shqipëria mori vetëm një votë unanime për të vazhduar anëtarësimin, sepse ata e dinin se vetoja bullgare kundër Maqedonisë së Veriut do të ndalonte përparimin e saj.

Megjithatë, burime të tjera thonë se pas ofertës së Ukrainës për t’u anëtarësuar në BE, Shqipëria dhe Maqedonia e Veriut do të marrin dritën jeshile në qershor.

Burimet thonë se një vlerësim pozitiv për Ukrainën nuk mund të jetë në tryezë nëse Shqipëria dhe Maqedonia e Veriut nuk përparojnë.

Serbia dhe Mali i Zi janë në krye nga gjashtë vendet e Ballkanit Perëndimor.

Por procesi i pranimit të Malit të Zi ka mbetur disi disi pas dhe ndërsa Serbia vazhdon të hapë kapituj të tjerë, nuk ka vullnet të vërtetë politik për t’u bashkuar me BE.

“Shqipëria dhe Maqedonia e Veriut janë të radhës, në pritje për të nisur zyrtarisht bisedimet, ndërsa Kosova dhe Bosnja dhe Hercegovina nuk kanë marrë ende statusin e kandidatit”, shkruan më tej Euractiv.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb