Analisti Fitim Zekthi dhe deputeti i PS, Etjen Xhafaj janë përplasur në studion e emisionit “Open” lidhur me çështjen e negociatave të anëtarësimit të Shqipërisë në BE.

Zekthi e akuzoi Xhafajn se po bën cinizma për të mbrojtur qeverinë e Edi Ramës, në një kohë kur sipas tij duhet të ulin kokën para popullit që i ka votuar.

Zekthi: Unë mendoj se pavarësisht datave dhe halleve dhe rrethanave tona dhe të BE-së, procesi i integrimit ka të bëjë me transformimin e Shqipërisë nga një vend ku nuk sundon ligji te një vend që sundon. Nëse shikon kushtet e Bundestagut, ato janë 6 kushte që mund t’i shkonin për shtat qeverisë së Adil Çarçanit. Shqipëria është një dramë e vërtetë. Ka disa parametra, janë kriteret e Kopenhagenit. Para gazetarëve nuk jep llogari qeveria se s’ka liri mediash, në Parlament jo se tallen, para popullit është kjo që dali pra Niçes së Shijakut. Njerëzit nuk mund të merren me histori, duke gjykuar qeveritë e 97 e ku di unë, por bëjmë analizë për ku jemi sot. Se qeveria e PS ka pasur fuqinë e ekzekutivit dhe është fajtore, edhe pse jo më e madhja.

Xhafaj: Do t’i lësh këto, historinë e bizantit.

Zekthi: Lëre cinizmin se unë nuk të njoh fare. Bëhu njeri ti. Bëhu qytetar se je deputet i kësaj qeverie.

Xhafaj: Unë jam bërë njeri shumë para se…

Zekthi: Por jo mo se bëheni deputetë dhe vini këtu të na bëni cinizëm. Bëj debat me argumenta dhe lërini cinizmat.

Xhafaj: Unë bëj cinizma dhe ju s’keni argumente ndaj nxirrni këto fjalë.

Zekthi: Ore ulni kokën para këtij populli se keni degraduar këtë popull. Kjo qeveri arrogante, se këtu zotëri po vriten njerëz përditë.

Xhafaj: Unë nuk flas dot si do ti të flas një deputet. Por po them se kjo qeveri… S’po flasim për një utopi këtu , po flasim për një realitet.

Zekthi: Ore përpiqu të kuptosh se urtësia është të dëgjosh popullin.

Xhafaj: Nuk po flasim për një proces personal por proces me data. Unë jam më qytetar seç mendon se nuk po bëj debat me të bërtitura. Nëse t’i nuk arrin të dëgjosh nuk e di si mund të të flas ndryshe. Sot ndodhi konferenca e parë ndërkombëtare. Kjo shënjon që ky vlerësim është kryer dhe është votuar jo vetëm nga Komisioni por të gjithë anëtarët e BE dhe Shqipëria është gati për të nisur një tjetër proces në rrugën e integrimit në Be. Të gjitha ato që thoni ju janë ezauruar dhe nis kjo fazë e re.