TIRANE
Ditën e sotme nëna e këngëtares së njohur, Leonora Jakupi feston ditëlindjen e saj. Këngëtarja shqiptare kur ishte ende fëmijë humbi babanë e saj në luftën e Kosovës.
Dhe që nga ajo periudhë e ëma u kthye në heroinën e ditëve të saj. E teksa ajo ka ditëlindjen, Leonora nuk mund të mos ndante më ndjekësit e saj një dedikim emocionues dhe plot ndjenjë.
“O Nënë, o drita e syve të mi, dielli që ndriçon rrugën time. Të pafsha të lumtur e të buzëqeshur gjithmonë. Çdo fjale, çdo falënderim është i vaket krahasuar me sakrificën dhe mundin tënd për ne. Ti je dhe do mbetesh ma e madhja dashuri e imja. Urime ditëlindjen engjëlli im,”- shkruan këngëtarja.
(Balkanweb)