Chelsea ka nisur sezonin e ri pa një qendërsulmues të mirëfilltë, por në fushë gjërat nuk po shkojnë dhe aq keq, 4 pikë në dy ndeshje. BBC ka ngritur një pyetje në këtë pikë të sezonit: A i duhet Chelsea-t një qendërsulmues?
Blutë transferuan një vit më parë Romelu Lukaku-n për 97,5 milionë paund, pas vetëm një viti belgu u largua si një dështim i madh. Timo Werner gjithashtu rezultoi një lëvizje jo e gjetur, gjermani nuk u përshtat kurrë në Londër, u rikthyer sërish në Gjermani ku shënoi që në ndeshjen e parë, ashtu si dhe Lukaku.
Për momentin, Tuchel ka vetëm një lojtar tipik për atë pozicion, Armando Broja. Në të njëjtën kohë, blutë po përpiqen të sigurojnë shërbimet e Aubameyang. BBC thekson se Chelsea e ka një sulmues për atë pozicion, Armando Brojën, një lojtar që e kanë në gjirin e tyre që nga viti 2009, ndërsa një vit me parë me fanellën e Southampton realizoi 6 gola në Premier League,, ndërsa Lukaku dhe Havertz nga tetë për kokë, Mount 11.
Broja fitoi 88 duele ajrore sezonin e shkuar, ndërsa më i miri në radhët e Chelsea ishte Lukaku me 51. Broja shkruan ndër të tjera BBC vijon të kërkohet nga Neëcastle dhe Everton, por Tuchel nuk dëshiron ta lë ekipin pa asnjë sulmues të mirëfilltë.
(BalkanWeb)
