Përpjekja për të blerë Malagën, një ekip aktualisht në divizionin e dytë spanjoll, dështoi, si anëtar i një grupi ku përfshihej edhe kolegu i tij Antonio Banderas. Por George Clooney provon sërish.

Aktori amerikan me një vilë në liqenin e Comos po bëhet gjithnjë e më i pasionuar pas futbollit dhe tani i intervistuar nga ‘Sun’ po bën të ditur se është gati të japë një dorë, e ndoshta të marrë përsipër Derby County.

Një skuadër aktualisht në Championship, ku ka si trajner Ëayne Rooney, por që në të kaluarën ka fituar dy tituj anglezë dhe një FA Cup. Tani Derby është në pritje, si për të thënë se klubi ka nevojë dëshpërimisht për një blerës të ri që mund të ringjallë ëndrrën e tifozëve për nivele të larta në Premier League.

“Derby ka një histori fantastike, një ekip i madh dhe jam i sigurt se ata do të kenë gjithashtu një të ardhme të ndritur – ishin fjalët e Clooney të raportuara nga “Sun” – E di që ka pasur disa probleme së fundmi, por nuk ka asgjë që nuk mund të zgjidhet.

Interesi im për futbollin është rritur vitet e fundit, madje pak kohë më parë më pyetën nëse doja të bëhesha pjesë e një grupi për të blerë Malagën në Spanjë, ishte një perspektivë emocionuese, por nuk shkoi. Ndoshta të kesh një ekip futbolli është gjëja më e mirë, kush e di që një ditë nuk do të mundem”.

60-vjeçari Clooney filloi të ndiqte klubin pasi punoi me aktorin e Derby Jack O’Connell në filmin e vitit 2016 ‘Money Monster’. “E takova Rams falë Jack O’Connell disa vite më parë – kujton ai – ndërsa po xhironim një film së bashku. Ai ishte aq i apasionuar pas ekipit të tij, ai ndoqi Derby County gjatë gjithë jetës së tij.

E admirova atë duke dëgjuar historinë e Derbyt, ai ishte mjaft intrigues dhe ndezi imagjinatën time. Unë kam e kam ndjekur që atëherë. Kur Derby do të kthehet një ditë në Premier League, do të bëjë shumë njerëz shumë të lumtur, përfshirë mua.”

(BalkanWeb)