Presidenti Ilir Meta në një intervistë ekskluzive për drejtorin e Informacionit dhe gazetarin Robert Rakipllari në News24 ka shpalosur 3 prioritetet që duhet të kenë autoritetet shëndetësore dhe shtetërore sa i përket luftës ndaj koronavirusit.

Për Metën mbrojtja e personelit shëndetësor është prioritet mbi prioritetet, më pas testimi dhe marrja e infrastrukturës për terapi intensive për të infektuarit me koronavirus situata e të cilëve mund të rëndohet janë të rëndësishme.

Kreu i Shtetit konfirmon se ka pasur takime me pëfaqësues të opozitës duke dëgjuar shqetësimet e tyre dhe duke ja transmetuar ato qeverisë.

”Të gjithë duhet të jemi bashkëpunues dhe të gjithë duhet të jemi reflektues se është një ekperiencë e re që askush nuk e kishte menduar dhe Shqipëria ka pasur disa eksperienca pozitive në të kaluarën, me SARS apo gripin e derrit apo disa fenomene të ngjashme.

E para, mbrojtja e personelit shëndetësor është prioritet, pasi ata do të vijojnë të jenë në front.

Së dyti, testimi është i rëndësishëm dhe marrja e masave për infrakstrukturën për ata që kanë shqetësime.

Prioritet për terapi intensive pra bëhet fjalë për të shpëtuar jetë njerëzish. Kam marrë garanci nga Ministrja sa i përket respiratorëve apo poste shtesë, reanimacionit që në çdo rast të shpëton çdo jetë.

Jam takuar dhe me përfaqësues të opozitës që kanë një qasje kritike dhe është normale sa i takon pozicionit opozitar. Edhe vetë përfaqësuesit e qeverisë kanë mendimin se ka dhënë përmirësime, pasi dhe disa nga shqetësimet e tyre ja kam transmetuar qeverisë. I rëndësishëm eshte bashkëpunimi, parandalimi dhe qetësimi i ruajtjes së një atmosfere pozitive në shoqëri, familje sepse paniku në çdo rast nuk është një aleat i mirë, është një kundërshtar që mund të jetë dhe i pamëshirmshëm dhe të gjithë duhet të punojmë për përgjegjshmëri, transparencë.”- tha Meta.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb