Bastian Muller është një sipërmarrës gjerman që jeton në Frankfurt. Ai është pasardhës i një familjeje ndërtuesish dhe pasi fitoi përvojë në fusha të ndryshme, kujdeset për biznesin familjar. Ai ka një fizik për tu patur zili, duket qartë se është sportdashës dhe me siguri kjo e ka ndihmuar t’i marrë zemrën Ilary Blasit.
Në rrjetet sociale ai është shumë diskret, ka një profil privat dhe e vetmja foto e dukshme e tregon me bluzë dhe pantallona të shkurtra me muskujt. Nuk është e qartë se si u takua me Ilary dhe sa kohë kanë që njihen, por duket se ai nuk ishte totalisht në dijeni të ngjarjeve që kishin të bënin me të dhe kjo sigurisht ishte një pikë në favor të tij. Ajo që është e sigurt është se biznesmeni di ta bëjë të lumtur prezantuesen. I mësuar me fushën e ndërtimit, a do të jetë në gjendje ta ndërtojë një histori të fortë dashurie?
Kjo mbetet për tu parë. Me siguri mund t’ju tregojmë vetëm fotot e para të çiftit. Ilary dhe Bastian Muller janë kapur nga paparacët gjatë pushimeve në St. Mortiz, ku qëndruan në një hotel me 5 yje. Në pistat e skijimit ata u kapën duke dhuruar puthje dhe poza të nxehta, selfie në çift dhe të qeshura. Por ata nuk ishin vetëm: me ta ishin edhe disa mikesha të prezantueses, përfshirë Michelle Hunziker.
Ilary nuk shkoi vetëm në Zvicër: Isabel, vajza më e vogël, ishte gjithashtu me të. Vajza me siguri do të ketë takuar partnerin e ri të mamasë së saj, shenjë se prezantuesja ka synime serioze me Bastian Muller. I vogli i shtëpisë ishte gjithashtu i pari që kishte takuar Naomi Bocchithe partneren e re të babait Francesco Totti: paparacët i fotografuan disa herë së bashku gjatë verës.
Duket se çifti ka zgjedhur Zvicrën si “tokën e lirë” për takimet e tyre, një vend ku mund të jenë larg zhurmës dhe kureshtarëve dhe t’i përkushtohen vetëm dashurisë.
E pas pushimeve dhe udhëtimeve të shkurtra nëpër botë, shijuan disa ditë pushimi në Romë. Ka qenë prezantuesja 41-vjeçare ajo që ka zbuluar ardhjen e partnerit të saj të ri në kryeqytetin italian, duke ndarë një story të publikuar nga Bastian në profilin e saj në Instagram gjatë një vizite në një nga monumentet më të bukura në Romë: Shatërvanin e Trevit. Asnjë foto zyrtare çifti dhe asnjë selfie së bashku ende.
