Ngarkesa e parë e grurit që doli nga Ukraina sipas një marrëveshjeje të ndërmjetësuar nga OKB-ja thuhet se është refuzuar nga blerësi i saj libanez për shkak të vonesës pesë-mujore.

Ambasada e Ukrainës në Liban ndau lajmin pasi anija Razoni u largua nga Odesa duke transportuar 26,527 ton misër javën e kaluar.

Ajo ishte caktuar të mbërrinte në Liban të dielën, por ndryshoi destinacionin e saj në Mersin në Turqi. Aktualisht është ankoruar në brigjet jugore të Turqisë.

Në një postim në Facebook, ambasada tha: “Sipas informacionit të dhënë nga dërguesi i grurit ukrainas në bordin e Razoni, blerësi në Liban refuzoi të pranonte ngarkesën për shkak të vonesave në kushtet e dorëzimit”.

“Kështu që transportuesi tani po kërkon një marrës tjetër për të shkarkuar ngarkesën e tij qoftë në Liban/Tripoli ose në ndonjë vend/port tjetër.”

Sasi të konsiderueshme gruri nuk mund të eksportoheshin nga Ukraina pas pushtimit rus.

OKB-ja dhe Turqia ndërmjetësuan një marrëveshje e cila, që nga 1 gushti, ka parë 243,000 ton misër të largohen nga Ukraina.