Shkrumbohen nga flakët dy banesa në fshatin Kabash në qendrën administrative Poroçan, Gramsh. Gazetari Shkëlzen Henkoja raporton për BalkanWeb se zjarri ka rënë rreth orës 3 të mëngjesit dhe dyshohet se është shkaktuar nga një shkëndijë elektrike.
Në vendngjarje kanë mbërritur forcat e zjarrfikësve, por era e fortë ka favorizuar flakët duke bërë që shtëpitë të shkrumbohen.
Mësohet se banesa është në pronësi të Rexhep e Çlirim Licit, të cilët bëjnë apel për ndihmë ndërsa 8 anëtarëte familjes së tyre tashmë kanë mbetur në qiell të hapur.
Për fat të mirë nuk ka pasur lëndime në persona.