TIRANË- Në një takim me stafin e Prokurorisë për Krime të Rënda, kryeprokurori Adriatik Llalla u shpreh se në disa ngjarje kriminale të ndodhura prej fillimit të vitit 2015, ka dyshime se mund të jenë të përfshirë persona që janë pjesë e administratës shtetërore.
Prandaj, Llalla kërkoi nga kjo strukturë fokusimin në rastet e krimit të organizuar dhe korrupsionit në nivele të ndryshme të administratës publike, të cilat ka dyshime se po ndërthuren me njëra-tjetrën.
Për të dhënë një impuls më të fuqishëm hetimeve në Prokurorinë për Krime të Rënda, z. Llalla ka prezantuar edhe disa ndryshime në drejtimin e saj.
(ma.ar/BalkanWeb)