Këtë të mërkurë është mbledhur Këshilli Kombëtar i Këshillit Europian ku edhe u diskutua zbatimi i rekomandimeve të KE për vitin 2021.
Gjatë fjalës së tij ministri i Brendshëm Bledi Çuçi tha se është forcuar bashkëpunimi policor ndërkombëtar, duke shtuar se krimi i organizuar luftohet vetëm në bashkëpunim me partnerët.
Më tej Çuçi tha se ngritja e kapaciteteve kundër krimit kibernetik është një nevojë emergjente dhe se do të ketë një ligj të ri për mbrojtjen e viktimave të trafikimit.

“Takimin e sotëm nuk e shoh si të thjeshtë, por si një mendësi për të avancuar më tepër. Shqipëria nuk ka dyshim që do të jetë pjesë e BE. Sikundër e ka konfirmuar disa herë KE ne i kemi përmbushur të gjitha kushtet, dhe ngërçi i krijuar nuk na ka stepur aspak. Kapitulli 24 dhe ai 23 mund të konsiderohen si shtylla e të gjithë procesit të zgjerimit. Kjo na ngarkon me përgjegjësi por është edhe privilegj. Shpeshherë kur është fjala për bashkëpunim ndërkombëtar Ministria e Brendshme është fokusuar edhe tek zhvillimi i operacioneve të përbashkëta dhe kjo dëshmon nivelin e lartë të besimit që është krijuar nga partnerët europianë.. Bashkëpunimi ndikon në hetime më efikase dhe sjell efikas në goditjen e grupeve kriminale. Marrëveshja e punës e inicuar dhe nënshkruar nga Shqipëria u pranua më pas edhe nga vendet e tjera të rajonin si model i mirë punë.
Lufta kundër krimit të organizuar mbetet prioritet për ne. Vëmendje i është kushtuar trafikimit të lëndëve narkotike dhe trafikimit të qenieve njerëzore.”, tha Çuçi, duke shtuar: Ne kemi shtuar prezencën në Europol. Policia e shtetit është pranuar bashkëdrejtuese në EMPAKT, një platformë për bashkëpunimin e vendeve anëtare për të adresuar kërcënimet nga krimi të organizuar. Sipas progresraportit Shqipëria ka forcuar bashkëpunimin policor. Me rendësi është marrëveshja me Europolin për dhënien e të drejtës së aksesit në sistemin elektronik. Në nëntor 2021 ky bashkëpunim është shtrirë, duke i dhënë akses edhe SPAK.”, tha ai.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: