Ka një entuziazëm të madh në shtëpinë e Milanit për fillimin e një epoke të re, atë të rikthimit në pankinë të Max Allegrit. Por trajneri nga Livorno nuk do të mbetet i vetëm në punën e tij në fushë, dhe pikërisht këtë aspekt e thekson në mënyrë të veçantë edhe gazeta Tuttosport, e cila është shpërndarë sot në kioska.

Po, sepse në qendër të Milanit të ri është edhe figura e Igli Tares. I sapoemëruar si drejtor sportiv ditët e fundit, drejtuesi shqiptar është gati t’i japë identitet të qartë kuqezinjve. Nuk është sekret, shkruhet në gazetë, që pas largimit të Maldinit dhe Massarës, qendra sportive e Milanit është mbikëqyrur pak nga drejtuesit, dhe me kalimin e muajve është bërë një “bilanc” i shfaqjeve të këtij apo atij drejtuesi – por asnjëherë nuk ka qenë e mjaftueshme.

Me Taren, gjërat do të ndryshojnë te Milani. Kështu shkruan e përditshmja, duke shpjeguar se drejtuesi shqiptar do ta bëjë së shpejti Milanellon selinë e tij qendrore, duke menaxhuar në mënyrën më të mirë të mundshme javën mes fushës dhe zyrave. Dhe për një trajner si Massimiliano Allegri, një figurë e tillë nuk është aspak e tepërt – përkundrazi – pasi edhe gjatë periudhës së tij të parë katërvjeçare te Milani, ai gjithmonë e ka vlerësuar praninë e vazhdueshme të drejtuesve në qendrën sportive.