Rreth 28 aeroplanë izraelitë kanë lëshuar rreth 60 raketa gjatë sulmeve të natës së kaluar në Siri, njoftoi sot Ministria e Mbrojtjes e Rusisë.

Sistemi i mbrojtjes ajrore të Sirisë me sukses ka arritur të rrëzojë gati gjysmën e projektilëve të shkrepur.

Izraeli ka sulmuar me projektilë caqet ushtarake dhe sistemet e mbrojtjes ajrore siriane në afërsi të Damaskut, në orët e para të mëngjesit.

Ende nuk ka raporte për viktima në Siri. Ministri izraelit i Mbrojtjes, Avigdor Lieberman tha se raketat iraniane, ose nuk arritën në destinacionet e tyre, që ishin bazat ushtarake izraelite në Lartësitë Golan të pushtuara nga Izraeli, ose janë rrëzuar nga sistemi i mbrojtjes antiajrore.

Pritshmëritë për një rritje të tensioneve në rajon, mes paralajmërimeve izraelite për vendosmëri në parandalimin e zgjatimeve ushtarake iraniane në Siri, u përflakën nga shpallja e presidentit amerikan Donald Trump, gjatë së martës, se ka vendosur të tërhiqet nga marrëveshja bërthamore me Iranin.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb