Shërbimet ruse të shpëtimit po kërkojnë sot një anije peshkimi të zhdukur në Detin e Japonisë me 21 marinarë në bord, theksuan autoritetet.

“Anija Vostok (“Lindja”) ka lëshuar sot në mëngjes një sinjal alarmi, 200 kilometra nga rajoni Primorski në Lindjen e Largët”, sipas Ministrisë ruse për Situatat e Emergjencës.

“Nuk ka qenë e mundur vendosja e kontaktit dhe në vendngjarje janë dërguar helikopterë, anije dhe një avion rikonicioni”, theksoi i njëjti burim duke shtuar se erërat e forta kanë penguar kërkimet.

Komiteti rus i Hetimit ka hapur një hetim për shkelje të rregullave të sigurisë së transportit detar me pasojë vdekjen.

Sipas tij, anija po udhëtonte nga porti Donghae në Korenë e Jugut në Kholmsk, në ishullin rus të Sahalin.

Sipas agjencisë së lajmeve “Interfax”, anija i përkiste një shoqërie të specializuar në peshkimin e gaforreve për të cilat ky rajon është i njohur.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: