Një studim i fundit zbuloi se burrat që janë në një martesë “të keqe” kanë një rrezik më të ulët të diabetit sesa ata që janë në një martesë të lumtur.

Sociologët nga Universiteti Shtetëror i Miçiganit dhe Universiteti i Çikagos prezantuan rezultatet e dy studimeve të mëdha të bazuara në çifte të martuara.

1,228 çifte morën pjesë në sondazhe – gra dhe burra të martuar midis moshës 57 dhe 84-vjeç. Pjesëmarrësve iu bënë pyetje në lidhje me martesën e tyre dhe marrëdhëniet me bashkëshortin e tyre, dhe u morën mostra laboratorike.

Kur analizuan të dhënat e marra, studiuesit zbuluan se si një martesë e mirë apo e keqe ndikon në shëndetin e bashkëshortëve dhe shansin e tyre për të marrë diabet. Gratë që thanë pesë vjet pas testit të parë se ishin në një martesë më të mirë, kishin një rrezik më të ulët të diabetit të tipit 2.

Ajo që është e çuditshme dhe interesante është se e kundërta ka ndodhur me burrat. Ata burra, të cilët pesë vjet pas testit të parë thanë se martesa e tyre ishte përkeqësuar dhe se gratë shpesh ankoheshin tek ata, gjithashtu kishin një rrezik shumë të ulët të diabetit të tipit 2.

Studiuesit thanë se nuk ishte plotësisht e qartë se si rreziku i diabetit u bë i ndryshëm për burrat dhe gratë në varësi të cilësisë së martesës në të cilën gjenden.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: