TIRANË
Ministrja e Shëndetësisë dhe Mbrojtjes Sociale Ogerta Manastirliu ka ndarë në “Facebook” një lajm të mirë sa i takon një ndërhyrjeje kirurgjikale të realizuar në QSUT tek një foshnjë e porsalindur.
Manastirliu shkruan se është kryer një operacion i vështirë i këmbimit arterial në zemrën e një të porsalinduri, me një metodë të re bashkëkohore duke përmendur emrat e ekipit të mjekëve dhe anestezistëve.
Ajo thotë se edhe në kohë pandemie, ekipi i kardiokirurgjisë në QSUT, është në vijën e parë për të shpëtuar jetë.
POSTIMI I PLOTË
Një ndërhyrje e rrallë në zemër, që kryhet veçse në klinikat më të mira të kardiokirurgjisë në Botë është realizuar sot në #QSUT falë talentit dhe eksperiencës të dr. Altin Veshtit, dr. Arben Baboçit dhe anestezistëve dr. Saimir Kuçi dhe dr. Alfred Ibrahimi!
Operacioni tejet i vështirë, i këmbimit arterial në zemrën e një të porsalinduri, u bë i mundur me një metodë të re bashkëkohore të realizuar me sukses nga mjekët tanë!
Edhe në kohë pandemie, ekipi i #kardiokirurgjisë në QSUT, është në vijën e parë për të shpëtuar jetë??
Shërbimi shëndetësor nuk ka ndalur për asnjë moment, për t’i garantuar qytetarëve shërbimet për të cilat ata kanë nevojë, në kohë dhe me cilësi, nga stafi i kualifikuar i spitaleve tona!
#BASHKË
