Rritja e rasteve në Japoni bëri që Toyota të vendosë të mos tregojë reklama televizive në lidhje me Lojërat Olimpike që do të mbahen në Tokio.

Vetëm 24 orë para premierës të Premten, u bë e njohur se Toyota, e cila është sponsori kryesor i garave, do të tërheqë reklamat TV në lidhje me ngjarjen. Lajmi u raportua nga gazeta japoneze “Yiomuri”, duke cituar deklarata nga një ekzekutiv i rangut të lartë të markës.

“Ka shumë çështje me këto lojëra që janë të vështira për t’u kuptuar”, tha Jun Nagata, drejtori kryesor i politikës së komunikimit të kompanisë.

Më informuese ishin fjalët e drejtuesve nga Toyota North America, të cilët ia atribuan vendimin e markës “ndjeshmërisë së kompanisë për situatën mbizotëruese për shkak të një pandemie në vend”.

(BalkanWeb)