Pas masës së sigurisë arrest shtëpie të dhënë për zv.drejtorin e Policisë së Elbasanit, Albert Nushi, ka reaguar deputeti i PD Ervin Salianji.

Në një postim në Facebook, ai shprehet se Nushi “njihet botërisht për lidhjet me krimin dhe keqpërdorjen që i bën Partia Socialiste si ndërmjetës i krimineleve!”.

“Nesër edhe njëherë faktet dhe provat zyrtare të prokurorisë se si përdoret policia e shtetit nga krimi!”, shkruan Salianji.

Sipas tij “nëse ish drejtori do ishte arrestuar kur ne e dononconim me prova si shërbëtor i fëlliqur i krimit, sot nuk do kishim pasoja të rënda shteti ligjor do ishte në avantazh ndaj llumit të krimit!”.

Në vitin 2019, Salianji kishte publikuar një audio-përgjim, ku Nushi dilte në përgjimet e dosjes “Babale”. Salianji shprehej në lidhje me këtë ngjarje se Fredi Alizoti, njeriu që dyshohet se në audiopërgjimin e njohur si Babalja imitoi zërin e vëllait të ish-ministrit Fatmir Xhafaj, ka marrë para nga kreu i policisë së Fierit, Albert Nushi.

Postimi i plotë:

Albert Nushi ish drejtor i policisë Qarku Fier dhe ish zv/drejtor ne Elbasan njihet botërisht për lidhjet me krimin dhe keqpërdorjen që i bën Partia Socialiste si ndërmjetës i krimineleve! Njerez si ai e turpërojnë uniformën e shtetit dhe janë damka më e shëmtuar e saj!

Në përgjimet zyrtare të ish Prokurorisë së Krimeve të rënda, Albert Nushi flet me një të denuar recidivist që u përdor për të mbrojtur ish ministrin e brendshëm Xhafaj. Pas mesit të natës krimineli ordiner telefonon ish drejtorin e Fierit ne ate periudhë dhe e vendos nën urdhera, nën agresion verbal dhe i kërkon lek, drejtori i përulet i premton lek sa herë që telefonohet!

Me pas Nushi gënjen ne deklarimet ne prokurori duke dhenë deklarim të rremë para prokurorit sikur nuk kishte asnjë kontakt apo njohje me dëshmitarin e sajuar Alizoti!

Nesër edhe njehere faktet dhe provat zyrtare të prokurorisë se si përdoret policia e shtetit nga krimi!

Nëse ish drejtori do ishte arrestuar kur ne e dononconim me prova si shërbëtor i fëlliqur i krimit, sot nuk do kishim pasoja të rënda shteti ligjor do ishte në avantazh ndaj llumit të krimit!

Po e ripostoj një prej videove me fjalor +18 biseda në 00:18 pas mesnate mes një drejtori policie dhe një krimineli ordiner, video siç e kemi denoncuar në momentin e inkriminim të tij të plotë, vetëm drejtësia e kapur politikisht nuk mundi të veprojë! Audiopërgjimi është zyrtar nga prokuroria!

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb