NGA ZONJA VJOLLCA
500 gr njoki
300 gr kungull të verdhë
300 gr mish të grirë
1 kokërr qepë
1 thelpi hudhër
1 lugë caji curry (kerri)
1 lugë gjelle salcë domate
250 ml lëng perimesh
100 gr ajkë
125 gr moxarela
4 lugë gjelle vaj ulliri
Borzilok
Spec djegës
Kripë
Piper i zi
Fillimisht nxehim vajin në tigan, shtojmë në të qepën të grirë shumë hollë, hudhrën dhe mishin e grirë. I kavërdisim të gjithë përbërësit derisa të ndryshojnë ngjyrë, më pas shtojmë salcën e domates, kripën, piperin e zi dhe specin djegës. I kauerdisim për 2 minuta duke shtuar më pas lëngun e perimeve dhe kungullin të prerë në kubikë. Vendosim kapakun dhe e lemë në zjarr mesatar për 5 minuta. Në fund shtojmë ajkën, borzilokun dhe njokit. I trazojmë mirë të gjithë përbërësit duke i vendosur më pas në një tavë. E mbulojmë sipërfaqen me moxarela dhe e vendosim tavën në furrë në temperaturën 200 gradë Celsius për 15 minuta.
(d.b/Vila24/BalkanWeb)