Bllokimet lokale nuk ka gjasa të kthehen pasi të hiqen kufizimet kombëtare dhe COVID-19 përfundimisht do të trajtohet në mënyrë të ngjashme me gripin, ka parashikuar profesori Chris Whitty.

Sipas medieve të huaja,  kryeshefi mjekësor i Anglisë tha se një portofol i gjerë ’i vaksinave të coronavirusit mund të jetë i disponueshëm për publikun brenda dy vjetësh – “por virusi nuk po shkon askund dhe një qasje e kujdesshme është e nevojshme ndërkohë”.

Kur u pyet në një uebinar të një Shoqate Mbretërore të Mjekësisë të enjten, ai paralajmëroi se shumica e ekspertëve pajtohen që Covid-19 do të zërë vendin e tij në shoqëri si një virus sezonal.

Gripi mund të vrasë 20,000 deri në 25,000 njerëz në një vit të keq dhe mjeku thotë: “Nuk është grip, është një sëmundje krejtësisht e ndryshme, por çështja që po them është, këtu është një sëmundje sezonale, shumë e rrezikshme që vret mijëra njerëz çdo vit dhe shoqëria ka zgjedhur një mënyrë të veçantë rreth saj”.

Duke ofruar shpresë për “britanikët e lodhur” nga bllokimet, ai tha se nuk mund të shohë rikthim të një sistemi të bllokimeve lokale.

Ai shtoi se Britania e Madhe “ka një situatë kaq të vështirë për të kaluar në këtë moment”, por shkenca do të gjejë një mënyrë për t’u marrë me llojet e reja të Covid-19 që mbeten një kërcënim për vendin.

“Kështu që unë mendoj se teknologjia do të gjejë një mënyrë përmes kësaj në planin afatgjatë, por ne kemi një periudhë rreziku nga tani dhe atëherë”, ka thënë ndër tjerash Whitty.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb