Një burrë në Kinë është arrestuar për shitjen e vajzës së tij të porsalindur. I fiksuar pas djemve dhe i zhgënjyer shumë kur zbuloi se fëmija i dytë ishte sërish femër, ai vendosi ta shesë foshnjen e tij vetëm 10-ditëshe për 5 mije euro.

Denoncimi në polici u bë në shtator nga nëna e tij kur zbuloi se mbesa ishte zhdukur.

42-vjeçarja Li tha se do shkonte në shtëpinë e të birit për ti dhënë ndihmë rreth kujdesjes për të porsalindurën, njësoj siç kishte bërë me mbesën e parë.

Por, i biri nuk e mirëpriti dhe nuk pranoi që ta fuste brenda.

‘Unë e pashë mbesën time vetëm për pak çaste kur erdhi në jetë. Më pas nuk e pashë më dhe djali im nuk më lejonte të hyja në shtëpi’, tha ajo për policinë.

Në fillim të tetorit, Li shkoi të takonte nusen kur i biri nuk ishte në shtëpi dhe zbuloi se foshnja ishte zhdukur.

Fëmija është gjetur dhe aktualisht është nën kujdesin e nënës dhe gjyshes së saj.

Blerësit dhe babai i foshnjës janë arrestuar nga policia.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb