Aleanca për mbrojtjen e Teatrit ka qenë sot sërish para SPAK duke kërkuar përgjigje për kallëzimet e bëra për shembjen e Teatrit Kombëtar.

Regjisori Edmond Budina deklaroi se nuk do të dorëzohen dhe do të kërkojnë drejtësi deri në fund.

“Ne jemi të vendosur për ta çuar deri në fund sepse paligjshmëria e mafies së këtij vendi është e dukshme në çdo gjë, shtoi edhe udhëtimet me charter, inceneratorët dhe të gjitha abuzimet, tregon se drejtësia nuk funksionon. Ne nuk do tërhiqemi pavarësisht provokimeve dhe kërcënimeve. Në teatrin do ta çojmë aty ku ishte siç ishte”, tha Budina.