TIRANE

Ja pra që lindja prej vërteti ndryshon nga lindja në instagram. Kemi parë aq shumë foto me mama të lumtura e të qeshura nëpër salla lindjesh sa po na mbushej mendja se të lindësh është njëlloj si të bësh një vaksinë.

Adrola për shembull nuk e ka përshkruar momentin e takimit të parë me të birin si atë çastin sublim, të mrekullueshëm, të papërshkrueshëm.

Modelja e përshkruan sa që çke me të:Për të qenë e sinqertë, takimi im i parë më Troin nuk ka qenë takimi i ëndrrave. Troin e linda natyralisht dhe kam përjetuar shumë dhimbje dhe si rrjedhojë takimi s’ka qenë shumë mirë, por pasi e mora pak veten kuptova që u takova me mrekullinë e jetës”-shkruan modelja.

Mbase ky sinqeritet nuk shkon dhe aq shumë në ambientin e Instagramit ku çdo gjë është e mbuluar me trëndafila, por mamatë që e kanë provuar ç’do të thotë lindje natyrale e dhimbshme e dinë se ardhja në jetë e një fëmije është gjëja më fantastike, ama ato dhimbjet nuk të lënë ta shijosh dot siç do doje përballjen e parë me bebin. Vetëm pasi stërmundimi fizik kalon, je gati të shijosh mrekullinë, siç e ka shijuar edhe Adrola.