Klaus Gjasula është një emër jo shumë i njohur në Shqipëri, por mesfushori 27-të vjeçar është një futbollist që aktivizohet në katëgorinë e tretë dhe të katërt në Gjermani.
Klaus është i vëllai i ish-mesfushorit të kombëtares shqiptare, Jurgen Xhasula, dhe së fundmi aktivizohet me Halleshen FC në Ligën e Tretë. Aventura e fundit ka rrezikuar të mos realizohej për shkak të një problemi logjistik: në Tiranë nuk gjente një vend nga të dërgonte një faks.
Lojtari ka shpjeguar për “Bild” se kishte qenë për vizitë te gjyshërit e tij në Tiranë, duke kaluar këtu verën kur ishte kontaktuar nga trajneri i Halleshen, Riko Shmid dhe kishte arritur akordin paraprak me të. Trajneri i kishte bërë të ditur se dëshironte të firmoste mënjëherë kontratën dhe Gjasula nxitoi që ta firmoste.
Por në atë moment, ai nuk gjente dot një vend nga të dërgonte me faks dokumentin e firmosur, siç ndodh rëndom në këto raste. Në pamundësi për të bërë një gjë të tillë, futbollisti iu kthye teknologjisë moderne dhe një “App”-i që i mundësoi që të firmoste me klubin. Ai fotografoi me kujdes kontratën e tij dhe ia nisi me “ËhatsApp” trajnerit Shmid. Kështu kontrata u nënshkrua edhe nga drejtuesit e klubit dhe më pas u zyrtarizua nëpërmjet Federatës Gjermane.
Gjasula nënshkroi për Halleshen, ku tashmë është kapiten dhe bashkë me këtë skuadër po synon që në edicionin e ardhshëm të ngjitet në Bundesligën 2, ku e pret vëllai i tij.(panoramasport)
(e.k/BalkanWeb)
