TIRANE

Modelja nga Shqipëria, Oriola Marashi, prej pak vitesh është bërë pjesë e markës së famshme “Guess”.

Ajo deri më tani ka marrë pjesë në sfilatat më të rëndësishme të kësaj firme, por ditën e djeshme modelja ka zbuluar se si arriti të nënshkruante një kontratë me të.

Lidhur me këtë, njëri nga ndjekësit është interesuar dhe e ka pyetur se si është bërë pjesë e familjes së “Guess”.

“Shumë pyetje të tilla. Paul Marciano drejtuesi i ‘Guess’ më zbuloi mua në 18 mars 2019! Dhe atë ditë ishte ditëlindja ime. Unë kisha rezervuar të shkoja në Lugano një muaj më vonë dhe që atëherë kam punuar thuajse çdo muaj”.

Kur shkova tek Guess, nuk isha mirë emocionalisht dhe psikologjikisht dhe ata sërish më mbështetën dhe më ndihmuan të ecja përpara dhe të jem këtu ku jam tani duke bërë atë që dua për veten, për familjen time, për njerëzit që dua dhe më mbështesin”, është shprehur Marashi.

Përveç “Guess”, Oriola ka bashkëpunuar edhe me shumë firma të tjera të njohura.