Portieri i Kroacisë, Danijel Subasic, nuk i ka mbajtur dot lotët sot në konferencën për shtyp para ndeshjes me Rusinë. Arsyeja ka qenë miku i tij, foton e të cilit e mbante poshtë uniformës së Kroacisë dhe e tregoi pas pritjes së tri penalltive në 1/8 finale të këtij turneu të Botërorit.

Në moshën 24-vjeçare miku i portierit, Hrvoje Custic, vdiq tragjikisht si pasojë e përplasjes së kokës në një mur betoni gjatë një ndeshjeje futbolli. Kjo e martë ishte shumë drithëruese për gardianin e Kroacisë, pasi kjo temë iu ngrit nga media, pas fitores së vendit të tij ndaj Danimarkës.

33-vjeçari i cili është pjesë e Monaco-s, shikonte në qiell pas çdo penalltie të shpëtuar dhe veshi një bluzë të bardhë me foton e ish-shokut të ndjerë, në kujtesë të Custic. Arritjen e Kroacisë deri në këtë fazë të Botërorit Subasic ia ka dedikuar shokut që u nda nga jeta duke luajtur futboll, sportit që ai dëshironte të linte shenjë në jetë.

(BalkanWen)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: