Idrissa Gueye nuk pranoi të zbriste në fushë, në fundjavë, për ndeshjen e PSG-së ndaj Montpellier, e vlefshme për kampionatin. Shkak për këtë vendim personal të lojtarit janë bërë fanellat, që mbanin flamurin e LGBT-së te numrat e futbollistëve. Senegalezi i takon fesë islame, me këtë të fundit që nuk qëndron në një linjë me këtë komunitet.
“Idrissa Gueye është një lojtar i madh, por besimi nuk është pjesë e sporteve. Çdo lojtar mori pjesë në këtë nismë, përveç tij. Ai duhet të sanksionohet. Justifikimi i tij tregoi se klubi dhe Liga e lanë që homofobia të ndodhte” – tha Presidenti i Federatës së Sporteve LGBT+ në Francë, Erik Arasus.
(BalkanWeb)