Zbardhet dëshmia në gjyq e Dardan Krivaçës dhe shokut të tij, Arbër Sejdiu, të cilët akuzohen se torturuan për vdekje 18-vjeçaren Marigona Osmani, në gusht të vitit të kaluar.

Gjatë leximit të aktakuzës, bashkëshorti i viktimës, Dardan Kirvaça, raportohet se ka nisur të qajë. Mësohet se ai ka deklaruar se do flasë në seancat e ardhshme gjyqësore.

“Nuk po them që jam i pafajshëm, veç se di. Nuk dua të deklarohem rreth fajësisë”, tha ai sipas Klan Kosova.

Shoku i tij, Arbër Sejdiu ka mohuar akuzat duke thënë se është i pafajshëm.

“E ndjej vetën të pafajshëm. Nuk e pranojë fajësinë”, deklaroi ai para togave të zeza.

Dardan Krivaça mbërriti në seancë gjyqësore me jelek antiplumb dhe pranga në duar, ndërsa shoqërohej nga forca të shumta policie.

Dy shokët akuzohen se torturuan për vdekje 18-vjeçaren brenda një banese ku jetonte çifti dhe më pas trupin e pajetë e braktisën në spital.

Vrasja e Marigona Osmanit, dalin para gjykatës Dardan Krivaqa dhe Arbër Sejdiu

Në Gjykatën Themelore në Ferizaj ka nisur gjykimi ndaj Dardan Krivaqës dhe Arbër Sejdiut, si të dyshuar kryesorë për vrasjen mizore të Marigona Osmanit në gusht të vitit të kaluar.

Krivaqa është sjell me antiplumb brenda sallës së gjyqit.

Atë prokuroria e ngarkon me veprën penale vrasje e rëndë dhe dhunim, kurse Sejdiu akuzohet për veprën penale vrasje e rëndë dhe ndihmë në kryerjen e dhunimit.

Prokuroria Themelore në Ferizaj në fund të muajit të kaluar ka ngritur aktakuzë kundër dy të pandehurve të cilët gjenden në paraburgim nga muaji gusht 2021.

Sipas aktakuzës së prokurorisë, më datë 22 gusht 2021, të pandehurit Dardan Krivaqa dhe Arbër Sejdiu, me dashje dhe në bashkëkryerje e privojnë nga jeta tani të ndjerën Marigona Osmani, me çka në bashkëkryerje kryejnë veprën penale “Vrasja e rëndë”.

Po ashtu, sipas prokurorisë, për të pandehurin Dardan Krivaqa, ekziston dyshimi i bazuar se i njëjti ka kryer veprën penale “Dhunimi”.

Ndërsa, i pandehuri Arbër Sejdiu, me dashje i ka ndihmuar të pandehurit Dardan Krivaqa, në kryerjen e veprës penale të dhunimit, me çka kreu veprën penale ndihmë në kryerjen e dhunimit.

Prokuroria Themelore në Ferizaj, me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur të shpallen fajtorë për veprat penale për të cilat akuzohen dhe të dënohen sipas ligjit.

Në fillim të këtij muaji u publikua edhe dosja e plotë e prokurorisë në rastin e Marigona Osmanit, ku përshkruheshin dëshmitë se si 18-vjeçarja ishte dhunuar e më pas kishte ndërruar jetë.

Nofullën e poshtme të thyer, thyerje të brinjëve, thyerje të unazave të qafës, këputje e palcës së qafës, lëndime të syve, fytyrës dhe pothuajse në çdo pjesë të trupit, janë ato çfarë janë përshkruar në raportin e autopsisë.

Lëndimet e shumta apo siç thuhet në raport ‘poli trauma’, ka bërë që të vihet deri të vdekja e tanimë të ndjerës.