TIRANË
Sulmi kibernetik që sipas qeverisë shqiptare ka për autor Iranin, vijon në vendin tonë. Pas e-Albania dhe sistemeve qeveritare, radhën e kanë pasur sistemet e kontrollit në pikat kufitare, konkretisht sistemi TIMS.
Gazetarja Klodiana Lala, ka siguruar për “BalkanWeb” dhe mesazhin që iu ka shkuar në kompjuterë punonjësve mbrëmjen e kaluar.
“Numërimi mbrapsht i Tiranës drejt katastrofës”, thuhet në foton e dërguar nga hakerët.
Këta të fundit kanë publikuar në Telegram edhe një video nga kamerat e sigurisë së pikave kufitare, me logon e publikuar më herët.
Siç shihet punonjësi i pikës kufitare po procedon me udhëtarët dhe në një moment, del nga sistemi. Ai provon sërish dhe sërish ndodh e njëjta gjë.