Roman Abramovich nxori në shitje Chelsea dhe sipas ‘The Sun’ oferta e parë nuk do të vonojë. Sipas tabloidit anglez, një grup zvicerano-amerikan, kanë shfaqur interesimin e tyre për të blerë klubin londinez dhe në ditët e fundit kanë intensifikuar tratativat. Abramovich, i gjendur nën presion nga sanksionet e mundshme të vendosura nga Britania e Madhe, vendosi të heq dorë nga Chelsea, por kërkesa e tij prej 3,4 miliardë euro është shumë e lartë, një shifër e vështirë për tu paguar nga palët e interesuara.

Gjithnjë sipas ‘The Sun’, ky grup që ka shfaqur interesim nuk ka ndërmend të shkojë më shumë se 2,3 miliardë euro. Interesim gjithashtu për të blerë klubin e Chelsea kanë shfaqur edhe dy grupe të tjera.

Të gjithë shpresojë që kjo çështje të marrë një zgjidhje të shpejt, edhe drejtori i përgjithshëm i Premier League, Jim Ratcliffe ka folur mbi këtë situatë: “Bëhet fjalë për një vendim të drejtë. Roman arriti në një përfundim logjik, të drejtë. Shitja e klubit është në të mirë të gjithëve, përfshi këtu edhe tifozët”.
(BalkanWeb)