Organizata Botërore e Shëndetësisë ka njoftuar se në Ukrainë po mbërrijnë pajisje mjekësore nëpërmjet Polonisë, për të plotësuar mungesën e kujdesit shëndetësor pas pushtimit të Rusisë.

OBSH ka bërë me dije se po bashkëpunon me partnerët për mundësuar ilaçet jetike si oksigjeni, insulina, furnizime kirurgjikale, dhe ilaçe të tjera.

“Në ditët dhe në javët e ardhshme do të ketë një tjetër furnizim mjekësor për t’i krijuar mundësinë qytetarëve që të kenë barnat baza për kujdesin shëndetësor”, bëri me dije OBSH.

Kujtojmë se OKB ka dënuar sulmet ruse ndaj spitaleve, duke njoftuar se deri më tani janë verifikuar rreth 31 sulme që nga fillimi i pushtimit të Ukrainës, nga Rusia.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb