Zonja e parë e Ukrainës, në një adresim përpara ligjvënësve amerikanë, ka bërë një lutje emocionale për më shumë armë në ndihmë të Kievit, për t’u përdorur në luftën kundër Rusisë.
Në një fjalim në Kapitol, Olena Zelenska u bëri thirrje ligjvënësve amerikanë që t’i ofrojnë Ukrainës më shumë sisteme të mbrojtjes kundërajrore për t’u mbrojtur kundër raketave rus.
“Ne nuk duam më sulme ajrore. Jo më sulme me raketa. A është kjo shumë për të kërkuar? Ne duam që çdo baba dhe çdo nënë të jetë në gjendje t’i thotë fëmijës së tyre: ‘Shko të flesh i qetë, nuk do të ketë më sulme ajrore, nuk do të ketë më sulme me raketa’. Kjo është ajo që unë dhe burri im kërkojmë, si prindër”, ka deklaruar ajo.
Fjalimi i zonjës së parë të Ukrainës pasoi një njoftim nga Sekretari amerikan i Mbrojtjes Lloyd Austin, se Uashingtoni do të dërgonte katër sisteme shtesë raketash artilerie me lëvizshmëri të lartë (HIMARS) në Ukrainë.
.@SecDef: [the next assistance package] will include four more HIMARS advanced rocket systems, which the Ukrainians have been using so effectively and which have made such a difference on the battlefield. pic.twitter.com/lsns28gzEz
— Department of Defense 🇺🇸 (@DeptofDefense) July 20, 2022