TIRANË- Drejtoria për Hetimin e Krimit Ekonomik e Financiar në Policinë e Shtetit me indicie të Interpol dhe Europol , u përfshi në Operacionin ndërkombëtar  i shtrirë në 82 vende,  të koduar “OPSION V”, “Për goditjen e aktivitetit kriminal të prodhimit, trafikimit, importimit/eksportimit të mallrave ushqimore dhe pijeve të falsifikuara/nën standarde”.

Në bashkëpunim me Drejtorinë e Përgjithshme të Doganave dhe Autoritetin Kombëtar të Ushqimit, Drejtorinë e Hetimit Doganor dhe Drejtorinë e Hetimit Tatimor, u hartua dhe u ndoq një program masash i përbashkët. Në këtë program u përfshinë strukturat e Drejtorive Vendore të Policive, Tatimeve e Doganave te cilat morën detyrime që nga data 04.11.2015, duke përpiluar planet e tyre të masave, analizuan te gjithë informacionet që dispononin dhe me pas kaluan në kontrolle konkrete, fillimisht të pikave të dyshuara për aktivitet kriminal të prodhimit të kundraligjshëm të produkteve ushqimore dhe pijeve.

Në vijim u vazhdua me kontrollet në punishte, fabrika, subjekte, pika tregtimi dhe automjete që dyshoheshin se kryenin transportimin e tyre.

Një pjesë e kontrolleve u kryen të përbashkëta me institucionet e tjera pjesëmarrëse si Drejtoritë Rajonale të AKU-së, Drejtorinë e Hetimit Doganor dhe Drejtoritë Rajonale të Hetimit Tatimor.

Nga kontrollet e organizuara nga Drejtoritë Vendore të Policive /Komisariatet e Policive, kryer nga grupet e punës në terren dhe drejtuar nga Strukturat për Krimin Ekonomik e Financiar në Policisë e Shtetit  janë arritur rezultatet e mëposhtme:

– Janë kontrolluar në total rreth 200 subjekte tregtare, persona fizike, punishte dhe automjete transporti.

– Janë proceduar penalisht për veprën penale të “Shkeljes së të Drejtave të Pronësisë Industriale”  (Neni 149/a te Kodit Penal), gjithsej 8 subjekte.

– Janë proceduar penalisht për vepra të tjera penale si Kontrabandë, Prodhim të Kundraligjshëm, Falsifikim të Stampave, Vulave apo Formularëve, Fshehje e të ardhurave, etj (Nenet 172, 174, 179, 180, 190 si dhe 288/a te Kodit Penal) gjithsej 32 subjekte.

– Janë proceduar penalisht në gjendje të lire 19 persona.
– Janë arrestuar në flagrancë 6 persona,
– Është shpallur kërkimi për 1 person.

– Janë sekuestruar mallra të ndryshme ushqimore dhe pije të falsifikuara/nën standarde ne sasitë:
– 48 828 litra verë
– 3 870 litra raki rrushi
– 120 litra birrë Peja
– 934 litra pije alkoolike të forta si Whiskey, Konjak, Fernet, Vodka, Uzo, Gin, etj
– 203 litra pije energjike B 52 dhe B 2
– 1990 litra musht rrushi
– 2640 kg kafe kokërr
– 83 kg mjaltë
– 18 000 kokrra vezë
– aksesorë voluminoz kantine, etj.

(m.k/BalkanWeb)