Në seancën e sotme të Kuvendit, po diskutohet në lidhje me projekt buxhetin për vitin 2023.

Ministrja Olta Xhaçka, u shpreh se opozita duhet të ishte bashkuar me mazhorancën në mënyrë që Shqipëria të kontribuonte sa mundej në atë që e quajti përballje historike.

Ajo shtoi se nuk mund të pritet më shumë nga një opozitë e cila ka mbyllur hesapet me Bashkimin Europian dhe SHBA-në, me shpalljen non grata të kreut të PD Sali Berisha.

Ministrja e akuzoi gjithashtu zotin Berisha se po bënte lojën e Putinit.

“Lufta dhe pasojat në ekonominë tonë. në vend të flasim për situatën më të rëndësishme gjeopolitike, dikush zgjodhi të sulmojë parterët strategjikë që na ndihmuan në pandemi në ditën më të keqe. Disa zgjodhën të nxinin elementët e politikës së jashtme që sot na i vlerësojnë shumë aleatët.

Balkani i Hapur, zbatimi në praktikë i Procesit të Berlinit.

Kjo opozitë që një ditë vë kujën pse nuk po flasim për Kosovën, kur kryeministri flet në OKB hidhen përpjetë duke thënë po mbështet Serbinë. Kjo është e pakuptueshme. Ndoshta ka kuptim se kanë hall që e kanë votuar vetë atë rezolutë atëherë. Ku Shqipëria lavdërohet për Politikën e Jashtme, sulmohet nga opozita. Opozita me BE e SHBA i ka mbyllur hesapet si non grata.

Diskutimi për Projekt buxhetin është moment i veçantë se varet mbarëvajtja e punëve.

E vërteta është që prej fundvitit 2019, nuk kanë qenë projekt buxhete të një qeverisje normale, por instrumente për të përballuar krizat si tërmetet, pandemia dhe lufta.

Opozita duhej të ishte e bashkuar me në që edhe Shqipëria të kontribuojë sa mundet në përballje historike siç është lufta. Por ç’mund të presësh nga opozita e financuar nga rublat ruse? Lojë në favor të Putinit po e bën i njëjti aktor që në kohën e luftërave në Kosovë, thyente embargon e NATO-s”, tha ministrja.

(BalkanWeb)