Tre lokale në Korçë janë gjobitur pasi kanë shkelur aktin normativ.

Gazetarja Lorena Kodra raporton për ‘BalkanWeb’ se lokalet në fjalë kanë organizuar festë për Krishtlindjet në ambientet e brendshme të tyret pas orarit të përcaktuar nga ministria e shëndetësisë me qëllim parandalimin e COVID-19.

Këto subjekte janë kapur në shkelje nga policia, e cila i ka gjobitur me 10 milion lekë të vjetra secila.

NJOFTIMI I POLICISE
Vijojnë kontrollet për monitorimin e zbatimit të masave kufizuese, me qëllim parandalimin e përhapjes së COVID-19. Evidentohen 3 raste të shkeljes së protokolleve të sigurisë. Ndëshkohen me 1 milion lekë gjobë, pronarët e 3 lokaleve, të cilët u konstatuan duke ushtruar aktivitet në kundërshtim me Aktin Normativ. Shërbimet e Komisariatit të Policisë Korçë, në vijim të kontrolleve të ushtruara në subjekte të ndryshme dhe konkretisht përgjatë Bulevardit “Republika” në Korçë, kanë konstatuar dy subjekte në të cilët po zhvillohej aktivitet festiv në kundërshtim me Aktin Normativ, duke mos respektuar protokollet e sigurisë.

Gjithashtu në fshatin Dardhë, Korçë, u konstatua 1 tjetër subjekt, i cili kishte organizuar aktivitet festiv në shkelje të Aktit Normativ.

Subjektet në fjalë, me pronarë shtetasit M. B., S. B., dhe A. T., janë ndëshkuar me masën administrative 1 milionë lekë secili, në bazë të Aktit Normativ nr. 3, datë 15.03.2020, Neni 3, pika 7.

Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: