Aktorja e njohur italiane Ornella Muti, nuk e ka fshehur asnjëherë raportin e ngushtë që ka me Rusinë. Madje edhe tani që presidenti rus, Vladimir Putin, ka nisur prej 1 muaji luftën në Ukrainë, ajo është shprehur se “i do rusët”.

Ornella gjithmonë ka pasur një marrëdhënie të ngushtë me Rusinë, në tokën e Putinit ka rezidencën dhe shtëpinë e tij, ka bërë emisione të rëndësishme madje ka aplikuar edhe për shtetësi. Një lidhje e njohur dhe solide, e përballur për herë të parë në “Belve”, një emision në Raidue nen drejtimin e prezantueses Francesca Fagnani.

“Jam konfuze. Lufta është e kotë, domethënë lufta është gjithmonë e gabuar. Jam konfuz sepse më vjen keq, jam gjysmë ruse, i dua shumë rusët dhe rusët më duan shumë, më ofrojnë gjëra të mrekullueshme për të bërë, por kjo luftë është e gabuar”.

Muti, e cila nga ana e nënës është me origjinë ruse, në tokën e Putinit ka një banesë dhe një shtëpi të saj. Madje ajo ka aplikuar edhe për shtetësi.Së fundmi, teksa po fliste për luftën në Ukrainë në një intervistë televizive, përgjigja e saj i la të gjithë pa fjalë: “Për momentin jam konfuze. Është një luftë e gabuar. Jam konfuze sepse më vjen keq”. “Unë jam gjysmë ruse, nuk është puna ime. Unë i dua shumë rusët dhe ata më duan mua, më vjen keq. Lufta është gjithmonë gabim”, ka thënë aktorja e njohur. Madje ajo nuk donte të mbante anën kur moderatorja Fagnani e pyeti se kush është agresori dhe kush është viktima?

Ornella Muti tundi kokën pa dhënë asnjë përgjigje. Ndërkohë deklarata e saj ka shkaktuar shumë diskutime tek opinioni publik.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb