Sipas raportimeve, Cristiano Ronaldo dëshiron të largohet nga Al Nassr dhe të bëjë një rikthim të madh në Evropë. Ronaldo iu bashkua Al Nassr në janar 2023 pas përfundimit të kontratës së tij me Manchester United.

38-vjeçari arriti një marrëveshje jashtëzakonisht fitimprurëse, duke nënshkruar një kontratë deri në vitin 2025. Ai fiton 173 milionë funte në vit, por duket se mund të largohet nga Arabia.

Sipas një raporti nga gazeta spanjolle El Nacional, Ronaldo dëshiron të largohet nga Arabia Saudite dhe është gati të kthehet në një nga skuadrat e tij të mëparshme.

Portugezi ka kontribuar për Al Nassr për pesë muaj, duke shënuar 12 gola në 15 ndeshje për klubin.

Por ai mund t’i japë fund magjisë së tij në Lindjen e Mesme pasi thuhet se planifikon të kthehet në Evropë, ku ai gëzoi kaq shumë sukses si lojtar.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: