Divorci i Bill dhe Melinda Gates do të jetë ndarja më e madhe e aseteve që kur Jeff Bezos dhe gruaja e tij MacKenzie u ndanë në mes të vitit 2019.

Çifti Gates vlejnë rreth 130 miliardë dollarë, duke i bërë ata njerëzit e katërt më të pasur në botë, pas Bezos, Elon Musk dhe pronarit francez të mallrave luksoze Bernard Arnault, shkruan DailyMail.

Çifti njoftoi divorcin e tyre të hënën, me Melindën e cila tha se martesa është ‘prishur në mënyrë të pakthyeshme’ në regjistrat gjyqësorë – të cilët gjithashtu zbulojnë se çifti nuk ka një kontratë para-martesore.

Në një deklaratë të përbashkët të publikuar në llogaritë e tyre në Twitter të hënën, dyshja tha se puna e tyre me fondacionin e tyre të bamirësisë do të vazhdojë, por martesa e tyre nuk do të vazhdojë – duke u shprehur: “Ne nuk ndiejmë më se jemi në gjendje të ecim si çift në këtë fazë të ardhshme të jetës sonë”.

Kur divorci i Bezos u finalizua në vitin 2019, Jeff mbajti 75 për qind të aksioneve të tyre të përbashkët në Amazon – atëherë me vlerë 144 miliardë dollarë – duke e lënë MacKenzie me një të katërtën me vlerë 35.8 miliardë dollarë.

Duket se Bill dhe Melinda kanë bërë tashmë shumë punë në ndarjen e pasurisë së tyre, pasi letrat e tyre të divorcit i referohen vazhdimisht një ‘kontrate ndarjeje’ që të dy kanë nënshkruar.

Perandoria Gates përfshin shtëpi në pesë shtete; një koleksion veturash duke përfshirë një ‘Porsche’ të rrallë prej dy milionë dollarësh; një koleksion arti që përfshin një libër shkrimesh dhe skica prej 30 milionë dollarësh nga Leonardo Da Vinci; dhe një seri avionësh privatë.

Gates është gjithashtu pronari më i madh privat i tokave bujqësore në Shtetet e Bashkuara, me 242,000 hektarë nëpër 18 shtete të ndryshme.

Çifti Gates, të cilët kanë tre fëmijë: – Jennifer, 25 vjeçe; Phoebe, 18 vjeçe; dhe Rory, 21 vjeç – kanë shtëpinë e tyre kryesore në shtetin Uashington, në periferi të Seattle.

Bill dhe Melinda tashmë janë zotuar të japin pjesën më të madhe të pasurisë së tyre para se të vdesin. Tre fëmijët e tyre do të marrin nga 10 milionë dollarë raportuar secili – një pjesë e vogël e pasurisë së prindërve të tyre.

Megjithatë, pavarësisht nga betimi i dhënies, ata kanë shumë pasuri të cilat do të duhet të ndahen mes tyre.

Rezidenca Xanadu 2.0, Uashington

Familja Gates zotëron një varg pallatesh luksoze në të gjithë ShBA-në, në Uashington, Florida, Kaliforni dhe Wyoming.

Shtëpia e tyre kryesore familjare në Uashington, ndryshe njihet si Xanadu 2.0.

Pallati prej 66,000 metra katrorë ndodhet mbi Liqenin Uashington në Medinë, nëntë milje larg nga qendra e Seattle – aty ku ka selinë Fondacioni Gates.

Gates bleu pronën në vitin 1988 për dy milion dollarë, por kaloi shtatë vjet duke ndërtuar shtëpinë e tij të ëndrrave – me një kosto prej 63 milionë dollarësh.

Ndërtimi përgjatë liqenit piktoresk zemëroi disa fqinjë, raportoi Washington Post në atë kohë – kështu që Gates u përgjigj me larje makinash falas dhe vuri në dispozicion ekuipazhin e tij të ndërtimit për të ndihmuar me projekte të vogla në shtëpitë afër.

Shtëpia tani vlen rreth 125 milionë dollarë.

Shtëpia ka një pishinë të brendshme-të jashtme me një sistem muzikor nënujor.

Pallate të tjera

Xanadu 2.0 nuk është shtëpia e vetme në pronësi të Gates.

Ata gjithashtu kanë një fermë prej 59 milionë dollarësh në Wellington, Florida – një zonë e njohur për kalorësinë e saj, e cila do t’i pëlqejë vajzës së tij të madhe Jennifer, e cila është një kalorëse e talentuar.

Wellington, i përshkruar nga The Real Deal si kryeqyteti i kuajve të dimrit në botë, është sheshi i lojërave sezonale për familjet e një numri miliarderësh – Michael Bloomberg, i ndjeri Steve Jobs, familja e Campbell’s Soup dhe të famshëm të tjerë.

Familja gjithashtu zotëron Irma Lake Lodge, një fermë në Wyoming me vlerë nëntë milionë dollarë, e cila ka 492 hektarë, dhe u ndërtua fillimisht nga Buffalo Bill në vitin 1902 dhe u emërua me emrin e vajzës së tij më të madhe.

Gates e bleu pronën në vitin 2009.

Sipas përshkrimit të sekserit, të marrë nga Bussines Insider: “Ferma shtrihet ngjitur me Pyjet Kombëtare të Shoshone dhe shkretëtirën Washakie aty pranë, e cila i jep kësaj prone një oborr të pasmë prej mbi tre milionë hektarësh që përmbajnë shkretëtirë të vazhdueshme dhe toka pyjore”.

Përveç shtëpisë kryesore prej 15,000 metrash katrorë me pesë dhoma gjumi dhe tre banjo, ka një shtëpi për mysafirë, shtëpi kujdestari, kabinë qumështi, stallë Buffalo Bill dhe një kasolle fshatare në ishullin e vendosur në mes të liqenit Irma.

Çifti gjithashtu ka shtëpi në Kaliforni – Rancho Paseana me sipërfaqe 228 hektarë, të cilën ai e bleu për 18 milionë dollarë në shtator të vitit 2014 nga Jenny Craig.

Ajo përfshin një pistë hipodromi, pemishte dhe pesë hambare me hapësirë për 50 kuaj.

Ai bleu një pronë tjetër në vlerë 43 milionë dollarë në Kaliforni pranë San Diego, duke e mbyllur marrëveshjen në prill të vitit 2020.

Shtëpia luksoze me gjashtë dhoma gjumi, katër banjo dhe 5,800 metra katrorë u shit nga Madeleine Pickens, një ish-grua e baronit miliarder të naftës T. Boone Pickens.

Prona bujqësore

Përveç pesë shtëpive të tij, Gates ka ndërtuar në heshtje një portofol masiv bujqësie.

Ai tani është pronari më i madh privat i tokave bujqësore në ShBA, me 242,000 hektarë nëpër 18 shtete të ndryshme.

Pronat më të mëdha të 65-vjeçarit përfshijnë 69,071 hektarë në Luiziana, 47,927 hektarë në Arkansas, 25,750 hektarë në Arizona, 20,588 hektarë në Nebraska dhe 16,097 në shtetin e Uashingtonit.

Por edhe me pronat e tij të mëdha të reja bujqësore, Gates ende nuk renditet në Top 100 pronarët privatë të tokave në ShBA – kur merren parasysh pronarët e tokave të të gjitha llojeve, jo vetëm ato bujqësore.

Titulli për pronat më të mëdha në tokë i takon biznesmenit amerikan John Malone, kryetari i Liberty Media, i cili zotëron 2.2 milionë akra.

Është e paqartë pse Gates ka investuar kaq shumë në toka bujqësore dhe detajet e tokës janë të pakta, siç zbulohet në The Land Report.

Blerjet mbahen drejtpërdrejt, si dhe përmes njësisë ekonomike të investimeve personale të Gates, Cascade Investments.

Makina luksoze

Bill Gates është i njohur për dashurinë e tij për makinat– shtëpia e tij në Seattle ka një garazh me hapësirë për 30 automjetesh.

Ai i tha Ellen DeGeneres në shkurt të vitit 2018 se mburrja e tij më e madhe pasi themeloi Microsoft ishte duke blerë një super makinë të tipit “Porsche 911”, të cilën më vonë e shiti.

“Kjo ishte një kënaqësi”, i tha Gates prezantueses DeGeneres.

Vetura, të cilën ai e bleu kur Microsoft ishte me qendër në Albuquerque, New Mexico, nuk ishte vetëm për shfaqje: Gates pëlqente të vinte në provë shpejtësinë e saj dhe ta garonte atë në shkretëtirë.

Gates është gjithashtu pronar i një “Porsche 930 Turbo”, një “Jaguar XJ6” dhe një “Ferrari 348”.

Makina e tij më e vlefshme besohet të jetë një “Porsche 959” jashtëzakonisht e rrallë – vetëm disa qindra janë prodhuar ndonjëherë – që ai duhej të priste 13 vjet ndërsa mbërritja e tij u mbajt nga doganat në ShBA madje kërkohej miratimi i një ligji të veçantë, ‘Show Regular’ose ‘Display’, për të lejuar përdorimin e tij në vend.

Kjo makinë shitet deri në dy milionë dollarë në ankand.

Blerja më e fundit e Gates, në shkurt të vitit 2020, ishte një “Porsche Taycan” – një veturë elektrike.

“Më duhet të them se është një veturë me çmim premium, por është shumë, shumë e lezetshme”, tha Gates, në një intervistë në YouTube.

“Kjo është vetura ime e parë elektrike, dhe po e shijoj shumë”, kishte thënë ai.

Aeroplanë privatë

Gates në vitin 2019 tha se të kesh një aeroplan privat ishte një kënaqësi, por që e bëri jetën e tij më efikase.

Gates shkëlqyeshëm planifikon ditën e tij në blloqe pesë minutëshe, për efikasitet maksimal.

“Unë ndonjëherë përdor një aeroplan privat”, tha Gates në bisedën për “Reddit” në vitin 2019.

“Kjo më ndihmon të bëj punën time të fondacionit, por përsëri është një gjë shumë e privilegjuar që të kesh”, kishte thënë ai.

Gates besohet se zotëron dy “Gulfstream G650ER” në vlerë 65 milionë dollarë, dy “Bombardier Challenger 350”, një “Cessna Seaplane” dhe një koleksion helikopterësh.

Në shkurt, duke folur për Fox News për të promovuar librin e tij “How To Avoid a Climate Disaster”, Gates u pyet se si ai mund të justifikonte përdorimin e aeroplanëve privatë me qëndrimin e tij eko-luftëtar.

Gates u duk se sugjeroi që pyetja ishte ‘absolutisht e drejtë’ por vuri në dukje se ai ndërmerr hapa për të kompensuar gjurmën e tij personale të karbonit përmes punës së tij.

“Unë jam duke kompensuar emetimet e mia të karbonit duke blerë karburant të pastër të aviacionit dhe duke financuar kapjen e karbonit dhe duke financuar projekte të strehimit me kosto të ulët për të përdorur energji elektrike në vend të gazit natyror dhe kështu kam qenë në gjendje ta eleminoj atë dhe ishte për mua e mahnitshme se sa e shtrenjtë ishte ajo”, tha ai.

“Unë u ndjeva sikur, nëse kemi këtë brez idealist dhe këtë qëllim të mrekullueshëm, kemi nevojë për një plan, dhe se përvoja ime mund të ndihmojë për të kontribuar në atë plan”, shtoi ai.

Veprat e artit

Gates është i njohur gjithashtu për koleksionin e tij të artit – më së shumti për koleksionin “Codex” e Leonardo da Vincit, të cilin ai e bleu në vitin 1994 për 30 milionë dollarë, në një ankand në Christie’s në New York.

Njihet si Leicester Codex, pasi dikur ishte në pronësi të Earl of Leicester.

Është përshkruar si një fletore, me 36 fletë të lidhura me lëkurë, që përmban një përzierje të vëzhgimeve dhe teorive të Da Vincit mbi vetitë e ujit, shkëmbinjve dhe fosileve; ajri dhe drita qiellore.

Koleksioni i tij i artit përfshin gjithashtu një pikturë vaji të quajtur ‘Lost On The Grand Banks’, nga Winslow Homer, të cilën ai e bleu për 36 milionë dollarë në vitin 1998.

Ai gjithashtu zotëron një vepër të titulluar ‘Polo Crowd’, nga George Bellows, të cilën e bleu për 28 milionë dollarë në vitin 1999.

‘The Room of Flowers’ nga Childe Hassam, për të cilën Gates pagoi 20 milionë dollarë, është gjithashtu pjesë e koleksionit të tij të veprave të artit.

Gates zotëron gjithashtu filmin “The Nursery” të William Merritt Chase, me vlerë 10 milionë dollarë.