Pamela Qirko u zgjodh dje kryetare e Komisionit të Pavarur të Kualifikimit.

Komisioni i Pavarur i Kualifikimit zhvilloi dje procesin për zgjedhjen e kryetarit të ri të Komisionit.

Pas votimit të fshehtë, që u zhvillua në prani edhe të vëzhguesve ndërkombëtarë të Operacionit Ndërkombëtar të Monitorimit, rezultoi e zgjedhur me 7 vota pro, kandidatja Pamela Qirko.

Pamela Qirko do të fillojë ushtrimin e detyrës së Kryetarit të Komisionit të Pavarur të Kualifikimit në datën 21 korrik duke pasuar Genta Tafa (Bungo).