Të paktën 11 persona kanë humbur jetën dhe 102 janë raportuar me lëndime të rënda si pasojë e një stuhie të fortë që goditi Kinën lindore të premten.
Sipas BBC, personat e vdekur, si pasojë e stuhisë ose kanë rënë në lumin Yangtze dhe janë mbytur, ose janë goditur nga rënia e pemëve dhe e shtyllave të energjisë.
Raportohet se 11 persona të tjerë ishin në një anije peshkimi, e cila u përmbys.
Dy prej tyre shpëtuan, ndërsa nëntë të tjerë janë ende të zhdukur.
Pamjet e publikuara gjerësisht në rrjetet sociale tregojnë erërat e forta që vërshojnë nëpër qytetet kineze.
Në një prej videove, shihet se si një avion i madh pasagjerësh rrotullohet nga erërat, teksa qëndron i parkuar në pistën e aeroportit.
Viral video shows an airplane allegedly swirling in the gale at airport in Nantong, east China's Jiangsu Province. Strong convective weather with a maximum wind speed of 93.9mph on Friday hit the province, leaving 11 dead, 102 injured in Nantong alone as of Sat morning. pic.twitter.com/6P3bogiiz9
— People's Daily, China (@PDChina) May 1, 2021
(BalkanWeb)