Një ish-modele ruse është arrestuar nga policia nën dyshimin për tentim vrasje, pasi është filmuar nga kamerat e sigurisë brenda një marketi “duke sulmuar me thikë” një punonjëse.

Natalya Dolganovskaya, 32-vjeçe, është dëgjuar duke bërtitur “urrej femrat”, derisa vazhdimisht ia ngulte thikën viktimës, kanë bërë të ditur forcat e rendit.

E arrestuara gjatë vitit 2005 kishte fituar kurorën e Miss Ulyanovsk dhe është e njohur për opinionin në Rusi.

Megjithatë kamerat e sigurisë brenda marketit, shfaqin momentin kur punonjësja 36-vjeçe sulmohet në sektorin e frutave.

Për fat të mirë viktimës i dolën në ndihmë punonjësit e tjerë të marketit si dhe konsumatorët, që vrapuan për t’ia rrëmbyer thikën nga dora ruses.

Viktima është shtrirë në qendrën e kujdesit intensiv pasi ka pësuar shtatë plagë të rënda në kokë, fytyrë, qafë, duar dhe shpinë.

Raportohet se jeta e saj nuk është në rrezik, por ish-Missi që u arrestua nga policia po hetohet.